کمال سادات، معین امور جوانان وزارت اطلاعات و فرهنگ افغانستان امروز در یک نشست گفت که استراتیژی ملی پنج ساله برای جوانان افغان ترتیب شده است، که با تطبیق این استراتیژی ملی جوانان، برای بیش از یک میلیون جوان زمینه کار فراهم خواهد شد.
وی افزود: در این استراتیژی، پنج بخش اساسی چون تعلیم، صحت، کاریابی، سهم جوانان در ادارات حکومتی و ورزش گنجانیده شده است.
قابل ذکر است که این استراتیژی در حالی بوجود آمده است که در حال حاضر بیشتر جوانان به دلیل بیکاری دست به مهاجرت های غیر قانونی می‌زنند.